Categories: نعت

نعت مصطفی

نعت مصطفی ﷺ ۔ یہ علامہ سراج تابانی کلکتوی صاحب کا نتیجۂ فکر ہے۔ نعت نبی ﷺ کتنا مشکل فن ہے امام اہل سنت امام احمد رضا خان فاضل بریلوی علیہ الرحمہ کے اس قول سے اندازہ لگایا جاسکتا ہے فرماتے ہیں ۔نعت لکھنا تلوار کی دھار پر قدم رکھنے کی طرح ہے ۔ سبحان اللہ علامہ موصوف نے اپنے آقا حضور رحمت العالمین ﷺ کی بارگاہ میں نذرانہ عقیدت پیش کیا ہے آپ بھی ملاحظہ فرمائیں ۔

یادِ شَـہ میں یُوں مَچل جاتا ہے دل
جیسے ننّھـا سـا کوئی بَچَّـہ ہے دل

نامِ احمد سن کے گر مچلا ہے دل
پھر تو بے شک آپ کا زندہ ہے دل

مصطفےٰ کے عشق میں دھـڑکا کـرے
رب نے ہم کو اس لیے بخشا ہے دل

لاکھ نیشِ ہجـر کا مـارا سہی
ان کی یادوں سے بہل جاتا ہے دل

اُن پہ مَـر مِٹنے کو روح و جان ہے
ان کی الفت کو اٹھـا رکھـا ہے دل

اس میں ہے تصویرِ طیبہ اس لیے
جان سے بڑھ کر مجھے پیارا ہے دل

یہ تو کب کا ہو چکا سرکار کا
میرا یہ دل اب کہاں میرا ہے دل

ہاں وہی دل دل ہے جس دل کے تئیں
اُن کا دل بھی کہہ اٹھے اچھا ہے دل

عقل اکثر ٹھوکریں کھاتی ہے جب
عشق کے آداب سـمـجھـاتا ہے دل

دل کی باتیں اہلِ دل سے پوچھیے
اہلِ دل ہی جانتے ہیں کـیـا ہے دل

کلام رضا پڑھنے کے کلک کریں

بَـحــرِ یادِ مصطفیٰ میں ڈوب کـر
سـاحـلِ رَحمت سے جـا ملـتـا ہے دل

نعت مصطفی ﷺ پڑھیں دوسرے سائٹ سے

ہو نصیب اذنِ حضوری یا نبی
ٹکڑے ٹکڑے اب ہوا جاتا ہے دل

حق ہے تاباؔنى ! یہ قـرآں کا لکھـا
ذِکـرِ حق سے ہی سُـکوں پاتا ہے دل

کلام حضور تاج الشریعہ پڑھیں

    ✍  سراج تاباؔنى۔ کلکتہ

Recent Posts

مولانا افروز احمد اشرفی مصباحی مبارک پوری

تحریر محمد ہاشم اعظمی مصباحی مولانا افروز احمد اشرفی مصباحی مبارک پوری  مولانا افروز احمد… Read More

اللہ تعالیٰ نے انسان کو کیوں پیدا کیا

از قلم مفتی خبیب القادری مدنا پوری اللہ تعالیٰ نے انسان کو کیوں پیدا کیا… Read More

علامہ ابو الحقانی علیہ الرحمہ اپنی تصنیفی خدمات کے آئینے میں

خطیب ایشیا و یورپ حضرت علامہ ابوالحقانی صاحب علیہ الرحمہ اپنی تصنیفی خدمات کے آئینے… Read More