حضور صدر الشریعہ کو صدر الشریعہ کا لقب کس نے دیا

آپ رحمۃ اللہ تعالٰی علیہ, تمام عُمر شجرِ اسلام کی آبیاری کےلیے کوشاں رہیں۔ سیدی اعلیٰ حضرت رحمۃ اللہ تعالٰی علیہ کی بارگاہ میں قرآن کریم کا ترجمہ کرنے کی عرض کی اور خود سیّدی اعلیٰ حضرت سے سُن سُن کر املا فرمائی اور”ترجمۂ کنز الایمان“ کی صورت میں مسلمانوں کو ایمان کا خزانہ عطا فرمانے کا سبب بنے۔

اور آپ کی ایک اہم ترین تصنیف جو عوام و خواص میں بہت مقبول ہے یعنی وہ معتبر کتاب “بہار شریعت” ہے ” یہ عظیم الشان کتاب تصنیف فرما کر عالمِ اسلام پر احسان فرمایا۔

بہارِ شریعت: صدر الشریعہ علیہ الرحمہ کا پاک و ہند کے مسلمانوں پر بہت بڑا احسان ہے کہ آپ نے ضخیم عربی کتب میں پھیلے ہوئے فقہی مسائل کو ایک مقام پر جمع کر دیا انسان کی پیدائش سے لے کر وفات تک در پیش ہونے والے ہزارہا مسائل کا بیان بہارِ شریعت میں موجود ہے۔

فقہِ حنفی کی مشہور کتاب فتاوٰی عالمگیری سینکڑوں علماے دین علیہم الرحمہ نے عربی زبان میں مرتب فرمائی مگر قربان جائیے کہ صدر الشریعہ نے وہی کام اردو زبان میں تنِ تنہا کر دکھایا اور علمی ذخائر سے نہ صرف مفتیٰ بہ اقوال چن چن کر بہارِ شریعت میں شامل کیں بلکہ سینکڑوں آیات اور ہزاروں احادیث بھی موضوع کی مناسبت سے درج کیں۔ آپ رحمۃ اللہ تعالیٰ علیہ خود تحدیثِ نعمت کے طور پر ارشاد فرماتے ہیں: “اگر اورنگزیب عالمگیر اس کتاب (یعنی بہارِ شریعت) کو دیکھتے تو مجھے سونے سے تولتے ۔”

تجھ سے ہی ہم کو ملی ہے یہ شریعت کی بہار

اس لیے اہل وفا کرتے ہیں عزت تیری!

اعلیٰ حضرت علیہ الرحمہ کے بھائی حضرت مولانا محمد رضا خان علیہ الرحمہ فرماتے تھے: کہ مولانا امجد علی کام کی مشین ہیں اور وہ بھی ایسی مشین جو کبھی فیل نہ ہو۔

لہذا: حضور صدرالشریعہ ،بدر الطّریقہ علیہ الرحمہ کی دینی خدمات کا اندازہ مذکورہ باتوں سے بخوبی لگایا جا سکتاہے . الحمد للہ ثم الحمد للہ الله رب العزت کی بارگاہ میں دعاگو ہوں کہ حضور صدرالشریعہ کے علمی فیضان سے ہمیں بھی فیض یاب فرمائے،،،،، آمین ثم آمین بجاہ النبی الکریم، صلی ﷲ تعالٰی علیہ واٰلہ وسلم۔

از : محمد نورجمال رضوی دیناج پوری

مقیم حال اجمیر شریف

+919749012752