Friday, March 29, 2024
Homeعظمت مصطفیٰمحبت رسول ﷺ اور نام رسول کا احترام

محبت رسول ﷺ اور نام رسول کا احترام

از قلم: مفتی خبیب القادری محبت رسول ﷺ اور نام رسول کا احترام

محبت رسول ﷺ اور نام رسول کا احترام


محبت رسول؛ اطاعت رسول ؛آداب نبوت ؛ فرمان رسول کی اطاعت؛ فرمان رسول پر عمل؛ حضرت محمد مصطفی صلی اللہ علیہ وسلم سے منسلک تمام اشیاء سے محبت ؛ ایمان اور اصل ایمان ہے چناں چہ حدیث پاک میں ہے عن ابن عباس رضی اللہ تعالی عنہ قال قال رسول اللہ صلی اللہ تعالی علیہ وسلم لیس منا من لم یرحم صغیرنا ولم یؤقر کبیرنا (مشکات صفحہ ٤٢٣)۔

حضرت ابن عباس رضی اللہ تعالی عنہ فرماتے ہیں کہ نبی کریم صلی اللہ علیہ وسلم نے فرمایا کہ جس نے اپنے سے چھوٹے پر رحم نہ کیا اور اپنے سے بڑے کا ادب نہیں کیا وہ میرا امتی نہیں

استاد شاگرد سے بڑا ہے؛ باپ بیٹے سے ؛امام مقتدی سے ؛ پیر مرید سے اور متذکرہ والی حدیث پاک کے پیش نظر شاگرد اگر اپنےاستاد کا ؛ بیٹا اگر اپنے باپ کا؛ مقتدی اپنے امام کا؛ مرید اپنے پیر کا ادب نہ کرے تو وہ امت محمدیہ صلی اللہ علیہ وسلم سے خارج ہوجاتا ہے

تو پھر اس رسول گرامی وقار؛ نائب پروردگار؛ سید ابرارو اخیار؛ جناب احمد مختار ؛حضرت محمد مصطفی صلی اللہ علیہ وسلم کی شانِ بابرکت میں گستاخی کرنے والا؛ آپ کی شان میں نازیبا کلمات بولنے والا یقینا دائرہ اسلام سے خارج ہے

پیارے آقا حضرت محمد مصطفی صلی اللہ علیہ وسلم اللہ تعالیٰ کے محبوب ہیںجو کہ خدا کی ساری خدائی میں بڑے ہیں بعد از خدا بزرگ توئی قصہ مختصر زمین آسمان کا کوئی ٹکڑا ایسا نہیں ہے جہاں شیطان نے سجدہ نہ کیا ہو مگر حضرت آدم علیہ السلام کی شان میں بے ادبی کرنے والا اگر دائمی ملعون بن سکتا ہے تو شہنشاہ کون و مکاں حضرت محمد مصطفی صلی اللہ وسلم کی شان اقدس میں گستاخی کرنے والا دائرہ اسلام سے یقین خارج ہو جائے گا ۔

محبت رسول کی چند مثالیں ملاحظہ فرمائیں

حضرت عثمان غنی رضی اللہ تعالی عنہ کی نبی کریم صلی اللہ علیہ وسلم نے غائبانہ بیعت کی اور حضرت عثمان غنی رضی اللہ تعالی عنہ فرماتے ہیں کہ میرے جس ہاتھ کو حضور صلی اللہ علیہ وسلم نے اپنا ہاتھ قرار دیا تھا میں نے کبھی اس ہاتھ سے اپنی شرم گاہ کو نہیں چھوا۔

حضرت علی رضی اللہ تعالی عنہ فرماتے ہیں کہ میں نے کبھی اپنی شرم گاہ کو نہیں دیکھا کیوں کہ جن نظروں سے رخ مصطفیٰ صلی اللہ علیہ وسلم کو دیکھا ہے ان نظروں سے شرم گاہ کو دیکھنا خلاف ادب ہے

سلطان محمود غزنوی کے غلام خاص ایاز کا ایک لڑکا تھا جس کا نام محمد تھا اور محمود غزنوی کو جب بھی کام ہوتا اور اسے بلانے کی ضرورت پیش آئی تھی تو اسے بڑی محبت سے آواز دیتا کہ اے محمد میرا فلاں کام کر دے ۔

مگر ایک دن محمود غزنوی نے آواز دی تو کہا ایاز کے بیٹے میرا یہ کام کردے ایاز سن کر بہت ہی پریشان اور غمگین ہوا محمود غزنوی کے دربار میں ہاتھ جوڑ کر عرض کی کہ اے آقا آج مجھ سے کوئی قصور ہوگیا یا میرے لڑکے محمد سے کوئی خطا ہو گئی کیوں کہ۔

آج آپ نے محمد کا نام لے کر نہیں بلایا سلطان نے کہاں کہ اے ایاز پریشان نہ ہو میں نے تیرے بیٹے محمد کا نام اس لیے نہیں لیا کہ میں ناراض ہوں یا اس سے کوئی قصور ہوا ہے بلکہ میں نے اس وجہ سے تیرے لڑکے کا نام نہیں لیا کہ تیرے لڑکے کا نام محمد ہے اور میں بے وضو تھا اس لیے مجھے شرم آئی کہ میں بے وضو محمد کا نام لوں” (تفسیر روح البیان جلد ٣ صفحہ ٢٢١ )۔

خلاصہ کلام محبت رسول ؛ اطاعت رسول اصل ایمان ہےاور عداوت رسول؛اہانت رسولصریح کفر ہے علماے کرام کی بارگاہ میں گزارش ہے کہ اصلاح فرما کر شکریہ کا موقع دیں

از قلم : مفتی خبیب القادری مدناپوری

بریلی شریف یوپی بھارت

موبائل 7247863786

ONLINE SHOPPING

گھر بیٹھے خریداری کرنے کا سنہرا موقع

  1. HAVELLS   
  2. AMAZON
  3. TATACliq
  4. FirstCry
  5. BangGood.com
  6. Flipkart
  7. Bigbasket
  8. AliExpress
  9. TTBazaar
afkareraza
afkarerazahttp://afkareraza.com/
جہاں میں پیغام امام احمد رضا عام کرنا ہے
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

قاری نور محمد رضوی سابو ڈانگی ضلع کشن گنج بہار on تاج الشریعہ ارباب علم و دانش کی نظر میں
محمد صلاح الدین خان مصباحی on احسن الکلام فی اصلاح العوام
حافظ محمد سلیم جمالی on فضائل نماز
محمد اشتیاق القادری on قرآن مجید کے عددی معجزے
ابو ضیا غلام رسول مہر سعدی کٹیہاری on فقہی اختلاف کے حدود و آداب
Md Faizan Reza Khan on صداے دل
SYED IQBAL AHMAD HASNI BARKATI on حضرت امام حسین کا بچپن