رب کا فر مان باپ کا کرو احترام ⋆ از قلم: حافظ محمد ہاشم قادری صدیقی مصباحی

تحریر:حافظ محمد ہاشم قادری مصباحی جمشیدپور رب کا فر مان باپ کا کرو احترام صرف ایک دن فادرس ڈے منانا بے ڈھنگا مذاق

رب کا فر مان باپ کا کرو احترام

اِنسان کے وجود کاحقیقی سبب اللہ تعالیٰ کی تخلیق اور ایجاد ہے، جبکہ ظاہری سبب اس کے ماں باپ ہیں، اس لیے اللہ تعالیٰ نے پہلے انسانی وجود کے حقیقی سبب(ماں باپ) کی تعظیم وتکریم کا حکم دیا

قرآن مجید میں باپ کی عزت واحترام و مختلف احکام ومسائل پر91 جگہوں پر آیات کریمہ وارد ہیں، کئی جگہوں پر صراحت کے ساتھ باپ، ماں کا ذکر موجود ہے۔

ماں جیسی مقدس ہستی کا ذکر بھی قرآن مجید میں 42 جگہوں میں موجود ہے اور احادیث طیبہ میں بھی، ماں باپ کی عزت وتکریم کاطریقہ وسلیقہ بتا یا گیا ہے۔

مسلمانوں کی نئی نسل احکام خداوندی ورسول کریم ﷺ کے فرمان عالیشان کی جان کاری وواقفیت بہت ہی کم رکھتی ہے، کچھ کو جان کاری وواقفیت ہے بھی تو وہ عمل سے کوسوں دور ہے، ہر چہار جانب اندھیرا ہی اندھیرا ہے۔ 12مئی کو مدرس ڈے منا نا، 21 جون 2020 کو فادرس ڈے،

father’s

یا اور دیگر ڈے( دن منانا) ایک فیشن ہوگیا ہے اور دن بدن اس بدعت میں اضافہ ہی ہورہا ہے کسی ایک مخصوص دن ماں باپ کو پھول پکڑا دینا، باقی دنوں میں بھول جانا یہ کونسی محبت و خدمت ہے؟ ۔

آج تک مجھے سمجھ میں نہیں آیا، بلکہ حقیقت تو یہ ہے کہ یہ ایک حماقت، نادانی، بے وقوفی ہے۔ رب تبار ک وتعالیٰ کا فر مان ہے۔ تر جمہ: فرمادیجئے:آئو میں وہ چیزیں پڑھ کر سنادوں جو تمھارے رب نے تم پرحرام کی ہیں (وہ) یہ کہ تم اس کے ساتھ کسی چیزکو شریک نہ ٹھہراؤ اور ماں باپ کے ساتھ اچھا سلوک کرو۔ ۔ ۔ ۔ (القرآن، سورہ انعام:6آیت 151)

دوسری جگہ فر مایا اور ہم نے انسان کو اس کے والدین کے بارے میں (نیکی کا) تاکیدی حکم فرمایا۔ (القرآن سورہ لقمان:31، آیت14)۔

اس آیت میں تاکیدی حکم فرمایا۔ پھر اور زیادہ واضح اور تاکیدی حکم دیا؛ترجمہ:اورپھر فر مایا اور تمھارے رب نے حکم فرمایا ہے کہ اس کے سوا کسی کی عبادت نہ کرو اور ماں باپ کے ساتھ اچھا سلوک کرو۔

اگر تیرے سامنے اِن میں سے کوئی ایک یا دونوں بڑھاپے کو پہنچ جائیں تو ان سے اُ ف تک نہ کہنا اور اِنھیں نہ جھڑکنا اور ان سے خوبصورت، نرم بات کہنا۔ (القرآن، سورہ بنی اسرائیل، 17:آیت23.24)۔

۔(اچھا سلو ک۔ ’’نیک برتا ئو‘‘۔ اُف تک نہ کہنا۔ ’’درد یارنج، تکلیف، کا اِظہار کرنا، کسی چیز کی زیادتی کے لیے بولا جاتا ہے، یعنی کوئی کام بار بار کہنے سے غصہ ہونا وغیرہ)

رب تبار ک وتعالیٰ کے حکم کو آج کتنے لوگ مان رہے ہیں کچھ کو چھوڑ کر الا ماشاء اللہ، لیکن فادر ڈے

father’s day

منانے میں آگے آگے ہیں۔ کسی کی مناسبت سے، ’’دن‘‘ منانا فیشن بن گیا ہے۔ ماں باپ کے گلے لگ کر ایک گلاب کا پھول پکڑا کر سیلفی،

SELFI

لینا، ویڈیو بنا نا سوشل میڈیا پر شیئر کرنا یہ محبت کا کون سا پیمانہ،

meter,scale

ہے۔ قرآن واحادیث طیبہ میں جہاں ماں باپ کی عزت واکرام(تعظیم وتکریم، عزت، بخشش، کرم، عطا) کا حکم آیا ہے، وہیں اُن کی خدمت کرنے پر بہت زور دیا گیا ہے اور اُس سے زیادہ اُن سے نرم دلی، محبت، پیار سے بات کر نے پر زوراور حکم دیا گیا ہے۔

ماں باپ کی بے قدری اور مسلم سماج

مسلمانوں کے معاشرے جہاں ان گنت خرابیاں، برائیاں درآئی ہیں اُن میں سے یہ خرابی نقطئہ عروج پر ہے، ماں باپ سے عزت سے بات نہ کرنا، چلاکر چیخ کر، بد تمیزی سے بات کرناوغیرہ وغیرہ۔ لڑکوں کے اندر یہ برائی تو تھی کم وبیش، افسوس صد افسوص یہ گندی اور خراب عادت لڑ کیوں کے اندر بھی درآئی ہے۔

اب تو حد ہوگئی لڑکیاں بھی اپنے باپ ماں، کی عزت و احترام نہیں کرتیں بدزبانی، سخت جواب دینا چلا کر بات کرنا عام سی بات ہوگئی ہے

یہ بہت افسوس ناک اور شرمناک بات ہے۔ یہ یقینا موبائل، ٹی وی کے ڈراموں اور بچوں کے سیریلوں میں بد اخلاق کردار کریکٹر، موجی، چنوموجی، ڈوری مون، بھیم جیسے کردار کو دیکھ کر بچوں اور بڑوں تک یہ برکت پہنچ گئی ہے(اس میں گارجیٔن بھی ذمہ دار ہیں )۔

اللہ رب العزت کے اس حکم پر خاص توجہ فر مائیں ؟:فَلَا تَقُلْ لَّھُمَآ اُفٍّ وَّلَاتَنْھَرْھُمَاوَقُلْ لَّھُمَا قَوْلاً کَرِیْمًا۔ تر جمہ:اگر تیرے سامنے ان میں یادونوں بڑھاپے کو پہنچ جائیں۔ تو ان سے ہوں، نہ کہنا اور اِنھیں نہ جھڑکنا اور ان کی تعظیم کی بات کہنا۔ (کنز الایمان)

سخت لہجہ اور بے ادبی، بے نصیبی کی علامت

سخت لہجے والا شخص لوگوں میں مقبول نہیں ہوتا کسی بزرگ کا قول ہے۔ ’’ سخت لہجے والے کا شہد بھی نہیں بکتا، میٹھے لہجے والے کا تو زہر بھی بک جاتا ہے

اسی لیے قرآن نے تاکیدی حکم دیا کہ ماں باپ سے نرمی سے بات کرنا۔ سخت لہجے والا ’’احمق‘‘ ب(ے وقوف، نادان، حماقتی، ) بھی کہلاتا ہے۔ اور احمق بدزبان بھی ہوتا ہے

حضرت علی کر م اللہ وجہہ الکریم کا قول ہے:قَلْبُ الاَحْمَقِ فِیْ فِیْہ۔ ۔ ۔ وَلِسَانُ الْعَا قِلِ فِی قَلْبِہ۔ احمق کادل اس کے منہ کے اندر رہتا ہےاور عقل مند کی زبان اس کے دل کے اندر۔

مدرس ڈے، فادرس ڈے، منانے والی نئی نسل اپنے سینے پر ہاتھ رکھ کر سوچے کی ہم کس کٹگری میں ہیں، اچھے اچھے گھرانوں کے بچے، بچیاں والدین کی عزت واکرام نہیں کرتے اور اتنا ہی نہیں بہت بے ادبی وسخت لہجے میں ماں باپ سے بات کرنے کا وطیرہ بنالیے ہیں

رب تبار ک و تعالیٰ کی بار گاہ میں کیا منہ دکھائیں گے؟

۔ ’’جو بیٹا بیٹی ماں باپ کی عزت واحترام نہیں کرتے، ان کی بے عزتی کو اپنا وطیرہ بنا لیتے ہیں ’’مکافات عمل‘‘ کے تحت وہ بھی اپنی اولاد سے بے عزتی سہنے کو تیار رہیں ‘‘۔ (مجد دالف ثانی رحمۃاللہ علیہ، تائیداہلسنت)

طرح طرح کے ڈے منانا محبت یا فیشن
ڈے منانا محبت کی نشانی نہیں بلکہ فیشن بن گیا ہے۔ جواللہ ورسول کے حکم کے خلاف ورزی کرے گا سخت عذاب کا مستحق ہوگا، ’’ماں باپ کی نافر مانی گناہ کبیرہ میں شامل ہے۔

حضرت انس بن مالک رضی اللہ عنہ نے بیان کیا کہ رسول کریم ﷺ نے فر مایا:اللہ کے ساتھ کسی کو شریک ٹھہرانا، ماں باپ کی نا فرمانی کرنا، کسی کی جان لینا اور جھوٹی گواہی دینا‘‘۔ (بخاری حدیث:2653)۔

اللہ سے دعا ہے کہ ہم سب کومدرس ڈے، فادرس ڈے، منانے کے بجائے زندگی کے ہر دن ہر لمحے، ماں باپ کی عزت وتکریم خدمت کرنے اور نافر مانی سے بچنے کی توفیق عطافر مائے، آمین ثم آمین

تحریر: حافظ محمد ہاشم قادری صدیقی مصباحی

خطیب و امام مسجد ہاجرہ رضویہ

اسلام نگر کپالی وایا مانگو جمشیدپور جھارکھنڈ
رابطہ: 09279996221

نافرمان اولاد والدین اور معاشرے کے لیے ناسور

والدین حصول جنت کے لیے رازہاے سربستہ

عظمت والدین قرآن و حدیث کی روشنی میں

ان مضامین کو بھی پڑھیں

موجودہ حالات میں مسلمانوں کی ترقی ضرورت و پلان

وجودہ حالات میں ہندوستانی مسلمانوں کی از سر نو تعمیر و ترقی کے لیے ایک جامع منصوبہ بندی

موجودہ حالات میں مسلمانوں کے تحفظ و بقا کے لیے جدید لائیحہ عمل کی تشکیل

آزمائش کا زمانہ ہے امت کو بچانا ہے

ناموس رسالت ﷺ کا تحفظ لازم ہے