کیا حقیقت شمش کی ان کی ضیاکے سامنے
یعنی محبوب خدا شمس الضحیٰ کے سامنے
ہیچ ساری مشکلیں ہیں مصطفے کے سامنے
رکھ دو اپنی حاجتیں حاجت رواکے سامنے
ہم گنہ گاروں کا نامہ جب کھلےیا مصطفے
دیں رہائی کا اشارہ آپ آ کے سامنے
نجدیو !تم کوبھی محشرمیں پتہ چل جائےگا
مصطفے کی شان کیا ہے کبریا کے سامنے
مظہر ذات خدا خیرالوریٰ کے سامنے
ماہ تاباں کیا ہے حسن مصطفےکےسامنے
حسن کو کہنا پڑا چہرہ نبی کا دیکھ کر
حسن دنیا کچھ نہیں ہے مصطفے کے سامنے
جب ہوئے جلوہ نما دنیا میں سلطان جہاں
جھک گیا کعبہ بھی بیت آمنہ کے سامنے
جس کسی کو دیکھنی ہے خلد زیرآسماں
دیکھ لے وہ گنبد خضریٰ کو جاکےسامنے
قتل کرنے کا ارادہ لے کے آئے تھے عمر
جھک گئےخودحضرت بدرالدجی کےسامنے
لا فتی الا علی کا شور ہرسو ہو گیا
جس گھڑی پھینکا در خیبر اٹھاکےسامنے
ہم غلامان رضا ہیں ہم سے مت الجھا کرو
ہم نہیں جھکتے کبھی ظلم وجفا کے سامنے
بے تحاشا صلح کلی آئے میداں میں، مگر
ٹک نہیں پایاکوئی اختر رضا کے سامنے
نقلی پیروں کا ہمیشہ ہوگیا چلنا حرام
میرے مرشد میرے آقامرتضیٰ کے سامنے
گر محمد مجتبیٰ مقبول کرلے ایک شعر
کوئی شاعرکیا ٹکےسبطیں رضاکےسامنے
لاج رکھ لینا خدا سبطین کی تو حشر میں
یا خدا رسوا نہ کرنا مصطفے کے سامنے
محمد سبطین مرتضوی کشن گنجوی
+91 86958 82367
ONLINE SHOPPING
گھر بیٹھے خریداری کرنے کا سنہرا موقع