رشحات قلم: مفتی خبیب القادری مدنا پوری قرآن و حدیث کا مفہوم یعنی درود و سلام
۔( ۱ ) رسول اعظم نبی رحمت درود تم پر سلام تم پر
شفیع مطلق شفیق امت درود تم پر سلام تم پر
۔( ۲) تمہارے آنے سے میرے آقا جہاں میں تابندگی ہوئی ہے
مٹے ہیں واللہ کفر وظلمت درود تم پر سلام تم پر
۔(۳) حضور سجدے میں جاکے بولے محبتوں کے بھی راز کھولے
الہی میری دے بخش امت درود تم پر سلام تم پر
۔(۴) پلٹ کے سورج دکھا دیا ہے حجرکو کلمہ پڑھا دیا ہے
خدا نے تم کو یہ دی ہے قدرت درود تم پر سلام تم پر
۔(۵) بنایا جس نے ہے تم کو مالک ہے سارے جگ کا وہی تو خالق
اسی نے تم کو عطا کی جنت درود تم پر سلام تم پر
۔(۶) جہاں میں کتنے رسول آئے سبھی سے اعلیٰ حضورتم ہو
تمہارا سب پہ ہے دست شفقت درود تم پر سلام تم پر
۔(۷) جو کام کوئی نہ کر سکا ہے وہ تم نے کر کے دکھا دیا ہے
عطا کی رب نے تمہیں صدارت درود تم پر سلام تم پر
۔(۸) ہو سارے عالم میں سب سے برتر ہوا نہ کوئی تم سے بڑھ کر
خدا نے خود ہی بیاں کی عظمت درود تم پر سلام تم پر
۔(۹) جو سارے بندوں میں سب سے بدتر ہے نام اس کا خبیب رضوی
کرو تم اس پر نگاہ رحمت درود تم پر سلام تم پر
از قلم (مفتی) خبیب القادری
مدناپور، بریلی شریف یوپی بھارت
7247863786
مفتی صاحب قبلہ کے دیگر مضامین پڑھنے کے لیے افکار رضا ویب سائٹ کو وزٹ کرتے رہیں
ONLINE SHOPPING
گھر بیٹھے خریداری کرنے کا سنہرا موقع
